Frå Nordalsnissane

Til Alle små og store

Velkomen til Nordalsnissane

Dette er Nordalsnissane. Dei heiter Oline Låven, Ragnvald og Gottorm.

Nordalsnissane er glade i å syngje og spele, og no har dei laga ein CD med mange av songane sine. Den heiter: Nordalsnissane rører jula inn.

Foto: StudioM v/Marit Sletten

- Trur du på nissen?

I den vesle bygda Lom i Gudbrandsdalen, ligg det ein campingplass som heiter Nordal. På denne campingplassen står det ein gamal låve, og der bur det tre nissar som heiter Oline, Gottorm og Ragnvald. Her har dei laga seg ein plass å bu av saker og ting som dei har funne rundt omkring i bygda. For nissane er slike at dei tek vare på alt mogleg rusk og rask. Det kan du tenkje på neste gong du ikkje finn att ein sokk eller noko slikt, Det kan godt hende det er nissen som har tatt det! Nissane er ikkje heilt som folk. Blant anna likar dei seg best om kvelden og natta, så det er ofte langt på dag når dei står opp. Det fins nissar overalt, og dei kan vere like forskjellige som meg og deg. Nokre er julenissar som kjem med gaver til dei som har vore snille, andre er butikknissar som du kan finne på kjøpesenter når det nærmar seg jul. Nissane som bur på Nordal er ingen av delane. Dei er fjøsnissar og trivst derfor best på ein låve der dei kan stelle med dyr. Fjøsnissane er eigentleg snille, men dei likar seg best for seg sjølv. Har du sett nissen?

Nordalsnissane i platestudio. Lars Bakke eig Nordalslåven. Han fekk vere med nissane og spele inn cd fordi han er flink til å syngje og spele gitar. Men han er veldig gløymsk. Her har han gløymt å ta på seg skoa sine før han gjekk frå heime.

Foto: StudioM v/Marit Sletten